أخبار عاجلهأسرة الأهليميديا الأهلي

رانيا علواني تدخل في نقاش حاد علي تويتر مع أحد المشجعين وترد: “هو حضرتك ما أخدتش الدوري”

جمع النقاش بين السباحة رانيا علوناي عضو مجلس إدارة الأهلي وأحد المتابعين عبر موقع التواصل الاجتماعي “تويتر”.

حيث أعلن الأهلي عن تولى السويسري رينيه فايلر مهمة المدير الفني لفريق الكرة، خلفًا لمارتن لاسارتي.

ودارت المناقشة بين رانيا علواني وأحد المتابعين لها، عقب تعقيبها على نتائج البعثة المصرية في دورة الألعاب الإفريقية.

وعلقت عضوة مجلس الأهلي، قائلة: “حد تاني واخد باله إن رياضتنا وأبطالنا السنة دي زي الفل في كل اللعبات، إلا الكورة هما دول اللي يستاهلوا بجد عاش أبطال مصر.. نوظف مواردنا صح بقى”.

ليرد المشجع: “لا إحنا واخدين بالنا من الفشل المستمر في الاختيار جوه النادي من يوم ما المجلس مسك وكنتوا معشمنا أن النادي في طريقه الصحيح للإصلاح وإعادة مكانته وفي الآخر طلعنا بنغرق أكتر ما كنّا”.

وقالت علواني: “هو حضرتك ما أخدتش الدوري”.

وأشار المشجع: “لا حضرتي طلعت بفضيحة من صن داونز وخسرت من بيراميدز في الكأس ولو المقياس الدوري ما مجلس
محمود طاهر كسبه يبقى وقفنا ضدهم ليه”.

وانفعلت عضو مجلس الأهلي: “والله حضرتك روح اطلب من كابتن الخطيب بنفسك، هو شخصيًا ولجنة الكرة اللي بيختاروا المدربين لأن دي حاجة فنية، المدرب ده واللي قبله واللي قبله”.

واختتمت: “هو ده الجهل بعينه، لما تتكلم على ألعاب مصر اللي كسبانة واللعيبة اللي في الألعاب كلها اللي شرفونا من كل الأندية مش الأهلي بس وباقول لازم نشجعهم، يقوم كام واحد متكلمين برده عن الكورة والمدرب والفشل ! حاجة غريبة بجد”.

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Shortlink:

للاشتراك في google play

الأهلي فاميلي

مجانى
عرض