أخبار عاجلهأسرة الأهليقطاع الناشئينميديا الأهلي

حصرى :عماد انور: يروي قصة الرجل الذى مات وابنه يختبر بالأهلى .فى محاولة لانقاذه .والأسعاف فى خبر كان

كتبت :ايه ابوبكر 

عبر عماد انور المدير الادارى لقطاع الناشئين بالاهلي عبر صفحتة الشخصية فيس بوك قصة ماساوية حدثت بالامس 

طيب .
أنا مكنتش عايز اتكلم في الموضوع ده وحالتي النفسية زي الزفت من الصبح بحاول أضحك مع أصحابي وانسى اللي حصل النهارده بس مش قادر وتقريبا الموضوع هيكمل معايا شويه.
النهارده وانا داخل النادي على الظهر كده من البواب الخلفيه

فوجئت بدكتور اسامه مصطفى رئيس الجهاز الطبي في قطاع الناشئين بيحاول يسعف شخص على الأرض بجوار مدخل النادي من بره افتكرت أنه حد من السياس تعبان شويه

وقفت مع الأمن بسألهم مين ده قالولي ده راجل كان ابنه بيختبر في النادي بعد ما خرج من النادي حصله إغماء وسقط على الأرض ومعاه ولدين حوالي 10 سنوات و8 سنوات أمن النادي احتفظ بالطفلين عنده علشان ميشفوش أبوهم في الحالة دى طيب فين إسعاف النادي الإسعاف طلعت في بلاغ رجعت لدكتور أسامة بيحاول يعمل إسعافات للراجل مشكورا حاول بكل الإمكانيات المتاحة اتصلنا بالاسعاف بلاغ الأول بيهددك لو البلاغ كاذب هيقفلولك الخط وبعدين ترد عليك واحدة تأخذ بيناتك بتقولي أخبارك ايه عامل ايه الراجل بيطلع في الروح والله بيموت أخباري ايه زي الزفت في واحد بيموت وانت بتسالي أخبارى ايه الإسعاف ألعنوان طيب يا فندم فيه عربيه خرجت على نفس البلاغ كلمت حد اعرفه في هيئة الإسعاف اكدلي العربيه خرجت ننتظر في العربيه أكثر من ساعة أحد الناس الموجوده وكان عامل البلاغ قبلي اتصلوا عليه اخدت التليفون،منه وبكلمهم والله العظيم ده اللي حصل.بتاع الإسعاف بيسألني هي دي نفس الحالة اللي تم الإبلاغ عنها ولا دي حالة جديده والقديمة راحت مستشفى .أنا خرجت عن طبيعة البشر هي هتفرق معاك.
اه هتفرق لازم تكون الحالة اللي متبلغ عنها. هي.
بس خلص وتعالى بسرعة الراجل بيموت.
متزعقليش احسن ارجع ومجيش للحالة .
تخيلوا أنا معرفتش أنا كان ردي عليه نوعة ايه وقفلت السكة في وشه .
اتصلنا بالنجده يعني شويه وجمعت معانا وقالوا هيجيبوا الإسعاف وييجوا .
الراجل مات وأطفاله مع الأمن مش عارفين أي حاجه .تم الاتصال بأهل المتوفى .
الإسعاف حضرت كانت الجثة بدأت تتغير ملامحها.
بتاع الإسعاف شاف الجثة الناس بتقولوا بنتصل بيكم من ساعة قال لا شكل الجثة من أكثر من ساعة واتصلوا بالشرطه وأهل الراجل .
ووفاة طبيعية وأطفال هيرجعوا بجثة أبوهم
بس خلاص .
اه علشان منساش حد يقول للكول سنتر في هيئة الإسعاف أنت مش شغال في Tedata
يا روح أمك.
واللي في عربية الإسعاف متراعيش ضميرك اعتبر اللي بيموت في الشارع أمك أبوك اخوك

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Shortlink:

للاشتراك في google play

الأهلي فاميلي

مجانى
عرض